Лінкі ўнівэрсальнага доступу

У Крывым Рогу расказалі, як у пачатку расейскага ўварваньня выкарысталі «БелАЗы», каб пазьбегнуць акупацыі


Кар'ерныя самазвалы БелАЗ. Ілюстрацыйнае фота
Кар'ерныя самазвалы БелАЗ. Ілюстрацыйнае фота

За два гады да пачатку Расеяй поўнамаштабнай вайны супраць Украіны кампанія «ArcelorMittal Кривий Ріг» набыла пяць 136-тонных кар’ерных самазвалаў БелАЗ.

Кіраўнік гарадзкой вайсковай адміністрацыі Крывога Рогу Аляксандар Вілкул паведаміў, як у пачатку ўварваньня Расеі вымушаны былі закладваць міны ў «БелАЗы» і ствараць зь іх загароду, каб спыніць расейскую вайсковую тэхніку і пазьбегнуць акупацыі.

«Менавіта ў гэты дзень два гады таму калёна ў 300 адзінак варожай тэхнікі пачала рухацца ў бок Крывога Рогу. 150 адсеклі нашы верталётчыкі на Баштанцы, 150 — дайшлі да Новага Бугу. А два БТРы варожай выведкі ўткнуліся ў выстаўленыя і замінаваныя „БелАЗы“ на мікалаеўскім кірунку», — паведаміў Аляксандар Вілкул.

Кіраўнік Крывога Рогу паведаміў, што «БелАзы» перадаў Новакрывароскі горна-ўзбагачальны камбінат, які ўваходзіць у склад групы «ArcelorMittal Кривий Ріг».

За два гады да пачатку Расеяй поўнамаштабнай вайны супраць Украіны кампанія «ArcelorMittal Кривий Ріг» набыла пяць 136-тонных кар’ерных самазвалаў БелАЗ.

З 2015 году кампанія «ArcelorMittal Кривий Ріг» набыла для сваіх прадпрыемстваў 26 кар’ерных самазвалаў, а таксама іншай тэхнікі вытворчасьці Беларускага аўтамабільнага заводу.

Украіна спыніла гандаль зь Беларусьсю пасьля таго, як Аляксандар Лукашэнка падтрымаў расейскае ваеннае ўварваньне ва Ўкраіну і дазволіў з 24 лютага 2022 году скарыстаць тэрыторыю, вайсковую інфраструктуру і паветраную прастору Беларусі для ўварваньня расейскай арміі і абстрэлаў гарадоў Украіны, ахвярамі якіх сталі дзясяткі тысяч мірных украінцаў.

У першыя дні поўнамаштабнай вайны ўрад Украіны пастанавіў закрыць усе памежныя пункты зь Беларусьсю. Пасьля адыходу расейскіх войскаў з Кіеўскай і Чарнігаўскай абласьцей між краінамі працуе толькі адзін пункт пропуску — у Валынскай вобласьці. Празь яго ва Ўкраіну вяртаюцца ўкраінцы, якіх незаконна вывезьлі ў Расею.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG