Лінкі ўнівэрсальнага доступу

Паплечнікі Навальнага паведамілі, што цела Аляксея аддалі яго маці


Ілюстрацыйнае фота
Ілюстрацыйнае фота

Цела Аляксея Навальнага аддалі маці, паведамляюць паплечнікі апазіцыянера.

Прэсавая сакратарка палітыка Кіра Ярмыш напісала, што інфармацыя аб пахаваньні будзе вядомая пазьней.

«Мы ня ведаем, ці будзе ўлада перашкаджаць правесьці яго такім чыным, як гэтага хоча сям’я і як таго заслугоўвае Аляксей», — зазначыла Ярмыш. Яна падзякавала ўсім, хто патрабаваў выдачы цела Навальнага сваякам.

Па афіцыйнай вэрсіі, Аляксей Навальны памёр у калёніі 16 лютага. 24 лютага, на дзявяты дзень сьмерці палітыка, у Маскве людзі прыйшлі ў храм Хрыста Збаўцы, каб ушанаваць яго памяць. Тэлеграм-каналы публікуюць фатаграфіі, па якіх можна меркаваць, што на ўваход у царкву ўтварылася чарга. Каля храма дзяжураць паліцэйскія.

У Санкт-Пецярбургу некалькі дзясяткаў чалавек прыйшлі ў Смольны сабор. Яны паставілі сьвечкі за спачын.

23 лютага сьледчыя паставілі маці палітыка Аляксея Навальнага Людміле Навальнай ультыматум: альбо яна пагодзіцца на таемнае пахаваньне, альбо апазыцыянэра пахаваюць у калёніі.

Адвакаты маці Навальнага падалі ў СК Расеі заяву з просьбай узбудзіць крымінальную справу па артыкуле аб зьдзеку над целам памерлага.

Днём раней Людміла Навальная запісала відэазварот, у якім паведаміла, што супрацоўнікі СК патрабавалі ад яе пагадзіцца на таемнае пахаваньне палітыка.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG