Лінкі ўнівэрсальнага доступу

Ужо сёньня: Дзень народзінаў Станіслава Булак-Балаховіча


Станіслаў Булак-Балаховіч
Станіслаў Булак-Балаховіч

Падзеі 22 лютага ў беларускай і сусьветнай гісторыі.

Дата дня

22 лютага 1883 году нарадзіўся Станіслаў Булак-Балаховіч, вайсковы дзеяч і палітык, удзельнік збройнага змаганьня з бальшавікамі ў 1918–1920 гадах, ахвяра нацысцкай расправы.

Таксама ў гэты дзень

1819 — да ЗША была далучаная Флорыда, якую Гішпанія прадала Злучаным Штатам за 5 мільёнаў даляраў.

1848 — у Парыжы пачалася рэвалюцыя, якая прывяла да зрынаньня Ліпеньскай манархіі.

1946 — амэрыканскі дыплямат у Маскве Джордж Кэнан упершыню ў тэлеграме ў Дзярждэпартамэнт ЗША («доўгая тэлеграма») сфармуляваў стратэгію «стрымліваньня» ў адносінах да СССР.

Джордж Кэнан
Джордж Кэнан

1958 — Эгіпет і Сырыя аб’ядналіся ў супольную дзяржаву — Абʼяднаную Арабскую Рэспубліку, якая праіснавала да 1961 году.

1989 — У Беластоку заснавалі першы гурток Беларускага аб’яднаньня студэнтаў (БАС).

2014 — прэзыдэнт Украіны Віктар Януковіч пастановай Вярхоўнай Рады абвешчаны такім, што самаўхіліўся ад зьдзяйсьненьня канстытуцыйных паўнамоцтваў і не выконвае свае абавязкі.

Байцы самаабароны Майдану каля Вярхоўнай Рады, якая прыняла рашэньне, што Віктар Януковіч самаўхіліўся ад ажыцьцяўленьня прэзыдэнцкіх паўнамоцтваў, 22 лютага 2014
Байцы самаабароны Майдану каля Вярхоўнай Рады, якая прыняла рашэньне, што Віктар Януковіч самаўхіліўся ад ажыцьцяўленьня прэзыдэнцкіх паўнамоцтваў, 22 лютага 2014

У гэты дзень нарадзіліся

1732 Джордж Вашынгтон, першы прэзыдэнт ЗША.

Джордж Вашынгтон
Джордж Вашынгтон

1788Артур Шапэнгаўэр, нямецкі філёзаф.

1810Фрэдэрык Шапэн, польскі кампазытар і піяніст.

1889Мікола Байкоў, беларускі мовазнаўца і пэдагог.

1899 — Уладзімер Тамашэвіч, дзяржаўны дзеяч, рэктар Беларускага дзяржаўнага ўнівэрсытэту.

1903 — Антон Сеўчанка, беларускі фізык, акадэмік АН Беларусі, рэктар Беларускага дзяржаўнага ўнівэрсытэту.

1918 — Васіль Мілаванаў, беларускі гісторык.

1953 — Сяргей Мартынаў, беларускі дыплямат, міністар замежных спраў Беларусі.

1965 — Валер Цапкала, беларускі палітык і дыплямат.

Валер Цапкала падчас перадвыбарчай кампаніі 2020 году
Валер Цапкала падчас перадвыбарчай кампаніі 2020 году

У памяці

1512 Амэрыга Вэспучы, італьянскі падарожнік, у гонар якога была названая Амэрыка.

1862Вінцэнт Дмахоўскі, клясык беларускага жывапісу.

1918 Соф'я Кавалеўская, беларуская фальклярыстка, этнографка, пісьменьніца.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG