Фрыдман: Лукашэнка рыхтуе беларусаў да найгоршага

Дзьмітры Гурневіч

21 люты 2024, 19:30

20 лютага Аляксандар Лукашэнка правёў «пашыраную» нараду зь сілавікамі. Падобныя сустрэчы пасьля 2020 году сталі рэгулярнымі, праводзяцца часам па некалькі разоў на месяц і нікога ўжо ня дзівяць. Але гэтым разам Лукашэнка сам надзеў ваенную форму, гаварыў пра сцэнары замахаў на сябе і заявіў, што прадчувае ІІІ сусьветную вайну.

Госьць «Свабоды Premium» — палітычны аглядальнік і гісторык Аляксандар Фрыдман.

Цалкам размову глядзіце ў відэафармаце не Youtube.

«Усе тыя пляны, якія друкуюцца і абмяркоўвацца, для Беларусі — фатальныя. Усе яны зыходзяць з таго, што Беларусь у гэтую вайну будзе ўцягнутая. Або будзе выкарыстаная Расеяй для нападу, або беларускія вайскоўцы пойдуць на вайну з расейскімі калегамі. Лукашэнка ведае, што ён тут нічога не вырашае, бо апошняе слова за Пуціным. Адсюль і дрэнныя прадчуваньні, пра якія ён казаў. Лукашэнка рыхтуецца да найгоршага, прынамсі не выключае. Роспач Лукашэнкі відавочная. Ён ведае, якія наступствы гэтая вайна будзе мець для Беларусі, але найперш для ягонага рэжыму. Ён яе ня можа перадухіліць, але хоча падысьці да яе, калі яна адбудзецца, у найлепшым стане», — кажа Фрыдман.

Аляксандар Лукашэнка на нарадзе з кіроўным складам органаў дзяржаўнай бясьпекі, 20 лютага 2024 году

ГЛЯДЗІЦЕ ТАКСАМА:

Лукашэнка рыхтуецца да вайны. Навошта рэжым зноў і зноў застрашвае грамадзтва

«ПіК Свабоды»

«ПіК Свабоды» — гэты YouTube-праграма і падкаст пра самыя важныя падзеі для Беларусі і беларусаў.

Чатыры разы на тыдзень — з панядзелка па чацьвер — дасьведчаныя журналісты і рэдактары Свабоды выбіраюць для вас галоўныя навіны дня і тлумачаць, што яны значаць.

Па пятніцах мы рыхтуем тыднёвы аналітычны выпуск, у якім разам з вартымі даверу экспэртамі разьбіраем працэсы і тэндэнцыі ў палітыцы, эканоміцы, грамадзтве і культуры.