Як паведамляе прэс-служба АПК, мэдалём Францыска Скарыны ўзнагароджаныя
- мовазнаўца Вінцук Вячорка,
- грамадзка-палітычны дзеяч, паэт, празаік Уладзімер Някляеў,
- беларусістка, першая амбасадарка Польшчы ў Беларусі Эльжбэта Смулкова,
- старшыня Рады Беларускай Народнай Рэспублікі Івонка Сурвіла,
- перакладчык, журналіст Сяргей Шупа,
- і яшчэ чатыры чалавекі, імёны якіх не раскрываюцца з прычынаў бясьпекі.
Мэдалём «Гонар і годнасць» узнагароджаныя
- доктар філялягічных навук Ніна Баршчэўская,
- дырэктар Беларускага ліцэя ў Гайнаўцы Ігар Лукашук,
- паэтэса і перакладчыца Ванда Марцінш,
- гісторык, выдавец Андрэй Янушкевіч.
- і яшчэ два чалавекі, імёны якіх не раскрываюцца з прычынаў бясьпекі.
Кандыдатуры ўзнагароджаных прадставіла Камісія па ўзнагародах пры Аб’яднаным пераходным кабінэце.
«Кожны і кожная зь іх зрабілі вялікі ўнёсак у захаваньне і папулярызацыю беларускай мовы, гэта прафэсіяналы сваёй справы. Па кожнай з кандыдатур Камісія па ўзнагародах прагаласавала аднагалосна. Шчыра віншую ўсіх узнагароджаных, а зь імі і ўсіх прыхільнікаў беларускай мовы, бо толькі нашымі агульнымі высілкамі яна будзе жыць і разьвівацца!» — пракамэнтавала ўзнагароджаньне прадстаўніца АПК у нацыянальным адраджэньні Аліна Коўшык.
Узнагароды распрацавала і вырабіла Геральдычная рада.
