Лінкі ўнівэрсальнага доступу

Ужо сёньня: 35 гадоў таму адбыўся першы мітынг пад бел-чырвона-белымі сьцягамі ў Менску


На адной з трыбунаў стадыёну «Дынама» ў Менску, 19 лютага 1989 году.
На адной з трыбунаў стадыёну «Дынама» ў Менску, 19 лютага 1989 году.

Падзеі 19 лютага ў беларускай і сусьветнай гісторыі.

Дзень у гісторыі

19 лютага 1989 году адбыўся мітынг на стадыёне «Дынама» ў Менску. У ім узялі ўдзел дзясяткі тысяч чалавек. Мітынг стаў першым дазволеным мітынгам у БССР пад бел-чырвона-белымі сьцягамі. Мітынг арганізавалі аргкамітэта БНФ і Канфедэрацыя беларускіх суполак (на той момант каля 100 моладзевых нацыянальна-дэмакратычных арганізацый).

Таксама ў гэты дзень

1236 — папа Рыгор IX абвясьціў першы крыжовы паход супраць літоўцаў.

1855 — францускі матэматык і астраном Урбэн Левэр’е паказаў у Парыскай акадэміі навук першую ў сьвеце мапу надворʼя — прагноз надворʼя для Эўропы на раніцу таго ж дня.

1861 — абвешчаны маніфэст аб скасаваньні прыгоннага права ў Расейскай імпэрыі.

1878 Томас Эдысан запатэнтаваў фанограф.

Фанограф
Фанограф

1910 — Арганізаваная першая беларуская вечарынка ў Горадні.

1911 — Заснаваная Менская гарадзкая бібліятэка.

1918 — Выканкам і СНК Заходняй вобласьці і фронту выехалі зь Менску ў Смаленск. Выканаўчы камітэт Рады Ўсебеларускага зьезду ў загадзе № 1 абвясьціў, што «ўзяў уладу ў свае рукі».

1918 — Віленская беларуская рада прыняла пастанову, паводле якой сувязь паміж Расеяй і Беларусьсю абвяшчалася парванай.

1954 — прыняты Указ Прэзыдыюму Вярхоўнага Савету СССР аб перадачы Крымскай вобласьці са складу РСФСР у склад Украінскай ССР.

У гэты дзень нарадзіліся

1473 — Мікалай Капэрнік, польскі астраном і матэматык, стваральнік геліяцэнтрычнай мадэлі Сусьвету.

1864 — Вячаслаў Адамовіч, дзеяч беларускага нацыянальнага руху.

1901 — Сяргей Бусел, беларускі грамадскі дзеяч, удзельнік Слуцкага паўстання.

1887 — Янка Пазьняк, беларускі грамадзка-культурны дзеяч, выдавец, публіцыст, палітык, дзед палітыка Зянона Пазьняка.

1890 — Казімер Сваяк, беларускі каталіцкі сьвятар, нацыянальны дзеяч, паэт.

1908 — Станіслаў Шушкевіч, беларускі паэт, бацька старшыні Вярхоўнага Савету РБ Станіслава Шушкевіча.

У памяці

1951 — Андрэ Жыд, францускі пісьменьнік, ляўрэат Нобэлеўскай прэміі.

1952 — Кнут Гамсун, нарвэскі пісьменьнік, ляўрэат Нобэлеўскай прэміі.

Кнут Гамсун
Кнут Гамсун

1979— Янка Геніюш — мэдык, вязень ГУЛАГу, муж паэткі Ларысы Геніюш.

2016 — Умбэрта Эка, італьянскі пісьменьнік.

Умбэрта Эка
Умбэрта Эка

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG