Лінкі ўнівэрсальнага доступу

Аляксандар Стуб выбраны новым прэзыдэнтам Фінляндыі


Аляксандар Стуб
Аляксандар Стуб

Былы прэм’ер-міністар перамог у другім туры выбараў прэзыдэнта Фінляндыі.

Супернікам Аляксандра Стуба быў былы міністар замежных спраў Пэка Хаавіста. Па выніках падліку галасоў правацэнтрысцкі кандыдат ад Нацыянальнай кааліцыйнай партыі Стуб набраў 51,6%, у той час як незалежны кандыдат Хаавіста набраў 48,4% галасоў.

55-гадовы Стуб, які быў прэм’ер-міністрам у 2014-2015 гадах і пачаў палітычную кар’еру ў якасьці дэпутата Эўрапарлямэнту ў 2004 годзе, стане 13-м прэзыдэнтам Фінляндыі з моманту абвяшчэньня незалежнасьці краіны ад Расейскай імпэрыі ў 1917 годзе.

65-гадовы Хаавіста прызнаў паразу на выбарах. Ён паціснуў руку Стубу і павіншаваў яго ў ратушы Хэльсынкі, дзе кандыдаты і СМІ сачылі за вынікамі галасаваньня.

«Выбарчая кампанія доўжылася некалькі месяцаў, была ветлівай і неканфрантацыйнай у адпаведнасьці зь фінскай палітыкай, заснаванай на кансэнсусе, без удараў ніжэй за пояс», — тое, што Стуб адзначыў у сваёй прамове перад Хаавіста.

Пэка Хаавіста ўдзельнічаў ужо ў трэціх для сябе выбарах прэзыдэнта, у двух зь іх ён выходзіў у другі тур, але ніколі не перамагаў.

Прэзыдэнт у Фінляндыі выбіраецца на 6 гадоў ня больш як на два тэрміны запар. Пасаду прэзыдэнта пакуль займае Саўлі Нійністэ, які ўзначальвае краіну два тэрміны запар з 2012 году, таму ён ня браў удзелу ў новых выбарах.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG