Лінкі ўнівэрсальнага доступу

Былога журналіста Гардзіевіча вызвалілі пасьля 15 дзён арышту. За кратамі яму двойчы выклікалі «хуткую»


 Сяргей Гардзіевіч. Архіўнае фота
Сяргей Гардзіевіч. Архіўнае фота

Экс-палітвязень і былы журналіст Сяргей Гардзіевіч выйшаў на волю 8 лютага, паведаміў БАЖ.

Сяргея Гардзіевіча затрымалі 24 студзеня, а пазьней асудзілі за рэпост артыкулу выданьня «Ганцавіцкі час» на 15 дзён арышту.

Па зьвестках БАЖ, усе 15 дзён Гардзіевіч правёў у камэры-адзіночцы. За гэты час яму двойчы выклікалі хуткую дапамогу.

8 лютага былы журналіст выйшаў на волю.

  • Да 2020 году Сяргей Гардзіевіч працаваў журналістам у Драгічыне.
  • Яго затрымалі ў канцы 2020 году і ў 2021 годзе асудзілі за «абразу» Лукашэнкі, «паклёп», «абразу прадстаўніка ўлады» на 1 год 6 месяцаў калёніі. Праваабаронцы прызналі яго палітвязьнем.
  • Увосень 2022 году Сяргей Гардзіевіч выйшаў на волю.
  • У верасьні 2023-га Гардзіевіча зноў затрымалі ў пункце пропуску «Брэст», калі ён вяртаўся з Польшчы. Тады яго асудзілі на 15 дзён адміністрацыйнага арышту паводле арт. 19.11 КаАП. У кастрычніку Сяргей Гардзіевіч выйшаў на волю.
  • З 2022 году Сяргей Гардзіевіч знаходзіцца ў так званым сьпісе «экстрэмістаў».

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG