У Памежным камітэце Беларусі паведамілі, што ў чэргах на мяжы з краінамі Эўразьвязу стаяць больш за 900 грузавікоў.
«Найбольш загружаным застаецца маршрут празь літоўскія Меднікі (Каменны Лог), дзе за дзень у Эўразьвяз прапусьцілі ўсяго 17 % вялікагрузаў ад нормы», — паведамілі ў Памежным камітэце Беларусі.
Паводле беларускіх памежнікаў, праз памежныя пераходы Польшчы (Кукурыкі) і Латвіі (Патэрніекі) у сярэднім за дзень аформілі 58% фур ад нормы.
Нязначныя чэргі легкавога транспарту зафіксавалі на ўезьдзе ў Літву і Польшчу.
