Лінкі ўнівэрсальнага доступу

«Кібэрпартызаны» паведамілі, што атрымалі сакрэтную інфармацыю зь сеткі вытворцы расейскіх дронаў


Расейскі БПЛА «Арлан», архіўнае фота
Расейскі БПЛА «Арлан», архіўнае фота

Арганізацыя «Кібэрпартызаны» паведаміла, што яе спэцыялісты атрымалі і перадалі ўкраінскаму боку дадзеныя аднаго з крытычна важных прадпрыемстваў вайскова-прамысловага комплексу Расеі — ТАА «Спэцыяльны тэхналягічны цэнтар» (СТЦ).

«Кібэрпартызаны» сьцягнулі з базы вайсковага прадпрыемства:

  • частку ўнутраных перапісак;
  • зьвесткі супрацоўнікаў;
  • разьмяшчэньні трэнавальных пляцовак і вайсковых частак;
  • некаторыя тэхнічныя зьвесткі і дакумэнтацыю.

ТАА «СТЦ» выпускае БПЛА «Арлан», сродкі радыёэлектроннай барацьбы, выведкі і іншай вайсковай прадукцыі Расеі.

  • «Кібэрпартызаны» — беларуская дэцэнтралізаваная група ананімных хакераў-актывістаў, якая зьявілася ў верасьні 2020 году.
  • Яны атрымалі вядомасьць дзякуючы шэрагу пасьпяховых кібэратак на рэсурсы беларускіх дзяржаўных установаў і сілавых структураў, публікацыям кампрамату на прадстаўнікоў апошніх, а таксама разьмяшчэньнем у адкрытым доступе службовай і сакрэтнай інфармацыі.
  • Група пачала дзейнасьць у адказ на дзяржаўныя рэпрэсіі супраць пратэстоўцаў.
  • Сваю дзейнасьць яны называюць барацьбой з Аляксандрам Лукашэнкам.
  • «Кібэрпартызаны» актыўна дапамагаюць аб’яднаньню беларускіх сілавікоў ByРol у правядзеньні расьсьледаваньняў.
  • Таксама «Кібэрпартызаны» дапамагаюць палку імя Кастуся Каліноўскага ва Ўкраіне правяраць новых добраахвотнікаў.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG