Лінкі ўнівэрсальнага доступу

Беларускі клюб Spadčyna ва Ўроцлаве абвясьціў новыя праекты для дзяцей


Сымболіка беларускага клюбу ва Ўроцлаве Spadčyna
Сымболіка беларускага клюбу ва Ўроцлаве Spadčyna

Клюб Spadčyna паведаміў, што стабільна працуе і прымае новых дзяцей.

«Супольная падтрымка дазволіла праекту з Уроцлава стаць на ногі, стабільна разьвівацца мінулы год і прымаць усё больш і больш дзяцей», паведамляюць «Беларускія магістраты», заклікаючы сачыць за далейшай дзейнасьцю беларускага клюбу ў інтэрнэце.

Цяпер у клюбе 84 чалавекі, прыкладна 40 зь іх — актывісты, якія рэгулярна наведваюць заняткі і рэалізоўваюць свае асабістыя праекты. Дзеці ў «Спадчыне» падзеленыя на дзьве групы: малодшая 7+ і старэйшая 13+. Заняткі з малодшымі — у суботы, а з старэйшымі — у нядзелі.

Цяпер да дзейнасьці «Спадчыны» далучыліся 5 куратараў (народныя сьпевы, побытавыя танцы, гісторыя, рукадзельле і правы чалавека). Тут стварылі Дыскусійны і Гістарычны клюбы «Летапіс». У рамках Дыскусійнага клюбу сабралася група падлеткаў, якія цікавяцца народнай творчасьцю.

Разам зь дзецьмі арганізатары суполкі распрацоўваюць некалькі экскурсійных маршрутаў па Ўроцлаве.

Ёсьць у «Спадчыне» і заняткі па традыцыйным рукадзельлі «Этна-стайл», заняткі па вывучэньні беларускай мовы «Наша мова», праводзяцца заняткі па этнаграфіі і культуры Беларусі, пасьпяхова праходзяць трэнінгі з грамадазнаўства і правоў чалавека.

Таксама клюб правёў летнік з намётамі, экскурсію ў Бэрлін, былі паходы ў горы, пікнікі. Акрамя таго, беларусы з клюбу ўдзельнічалі ў розных гарадзкіх конкурсах. Цяпер на базе клюбу ствараюць падлеткавы музычны гурт.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG