Праваабарончаму цэнтру «Вясна» стала вядома пра затрыманьне 31 студзеня шэрагу былых сілавікоў:
- падпалкоўніка міліцыі запасу Ігара Кісьляка, які скончыў службу намесьнікам начальніка аддзелу ГУБАЗ, а да гэтага доўга служыў начальнікам крымінальнай міліцыі Жодзінскага ГАУС;
- падпалкоўніка ў адстаўцы, былога намесьніка начальніка Жодзінскага ГАУС, начальніка міліцыі грамадзкай бясьпекі Вячаслава Ільіча;
- падпалкоўніка, былога намесьніка начальніка Жодзінскага ГАУС па ідэалягічнай рабоце і кадравым забесьпячэньні Андрэя Дарошкі;
- падпалкоўніка юстыцыі ў запасе, былога начальніка сьледчага аддзела Віталя Папроцкага;
- падпалкоўніка юстыцыі ў запасе, начальніка сьледчага аддзяленьня Дзьмітрыя Ўдовіна.
У 2020 годзе яны запісалі відэазварот да сваіх былых калег, у якім асудзілі гвалт у дачыненьні да беларусаў, піша ex-press.live.
Абставіны затрыманьня і статус затрыманых не раскрываюцца. Вядома, што затрыманыя знаходзяцца ў СІЗА-1 у Менску.
