У гэты дзень
1563 — Іван Жахлівы пачаў аблогу Полацаку.
1918 — утвораны Беларускі нацыянальны камісарыят на чале з Аляксандрам Чарвяковым. Белнацкам — у процівагу ўраду БНР — вёў агітацыйную, культурна-асьветніцкую, выдавецкую працу, прапагандуючы ідэю стварэньня беларускай савецкай дзяржавы. Ажыцьцяўляў масавую агітацыю і прапаганду ідэй савецкай улады.
1918 — Савецкая Расея перайшла на грыгарыянскі каляндар. Пасьля 31 студзеня настала 14 лютага.
1943 — нацысты зьнішчылі гета ў Пружанах.
1946 — «выклятыя жаўнеры» з аддзелу Бурага забілі 30 праваслаўных фурманаў з 12 вёсак на Гайнаўшчыне, якія на загад улады паехалі ў пушчу на нарыхтоўку дроваў для школы.
1957 — у Менску заснаваны Дзяржаўны музэй Беларусі (зараз Нацыянальны музэй гісторыі і культуры Беларусі).
2020 — Вялікая Брытанія выйшла са складу Эўрапейскага зьвязу.
У гэты дзень нарадзіліся
1833 — Станіслаў Сільвястровіч, у 1863 годзе паўстанцкі начальнік Горадзенскага ваяводзтва.
1892 — Алесь Гурло, беларускі паэт.
1926 — Міхась Міцкевіч, сын Якуба Коласа, зьберагальнік яго спадчыны і памяці.
1929 — Анатоль Грыцкевіч, беларускі гісторык.
1935 — Кэндзабура Оэ, японскі пісьменьнік, ляўрэат Нобэлеўскай прэміі.
1946 — Мікола Купава, беларускі мастак-графік, дзяяч нацыянальнага адраджэньня.
У памяці
1930 — Бэнэдыкт Дыбоўскі, заоляг, прыродазнаўца, лекар, публіцыст, удзельнік паўстаньня 1863–1864 гадоў.
1940 — Зьміцер Прышчэпаў, дзяржаўны дзеяч, наркам земляробства ў БССР у 1920-х гадох, ахвяра сталінскіх рэпрэсіяў.
2005 — Кастусь Рамановіч, удзельнік падпольнага Саюзу Вызваленьня Беларусі ў Наваградку, вязень савецкіх канцлягераў.
2013 — Мікалай Амельяновіч, беларускі дзяржаўны дзеяч, першы старшыня праўленьня Нацыянальнага банку Рэспублікі Беларусь.
