Лінкі ўнівэрсальнага доступу

У Жлобіне за «экстрэмісцкія» падпіскі асудзілі чыноўніка райвыканкаму


Тэлеграм-канал Free Zhlobin 3 студзеня паведаміў пра затрыманьне начальніка аддзелу спорту і турызму Жлобінскага райвыканкаму Яўгена Ахрэменкі.

Паводле інфармацыі тэлеграм-каналу, затрымалі чыноўніка на мінулым тыдні. Прычынай сталі «экстрэмісцкія» падпіскі ў сацыяльных сетках. Паводле Free Zhlobin, Ахрэменку прысудзілі 15 дзён адміністрацыйнага арышту.

Выданьне «Флагшток» патэлефанавала на службовы нумар начальніка аддзелу спорту і турызму Жлобінскага райвыканкаму.

«Яго няма і ня будзе ўжо. Ён не працуе ўжо тут. З пачатку новага году не працуе», — адказалі журналісту выданьня.

Праўда, пакуль з сайту Жлобінскага райвыканкаму ягонае імя не прыбралі.

У 2019 годзе Яўген Ахрэменка займаў пасаду загадчыка сэктару спорту і турызму аддзелу адукацыі, спорту і турызму Жлобінскага райвыканкаму, сама меней у 2021 годзе стаў начальнікам профільнага аддзелу.

Паводле інфармацыі сайта chinovniki.info, у 2019 годзе Ахрэменка быў намесьнікам старшыні ўчастковай выбарчай камісіі ўчастка для галасаваньня № 4 Жлобінскай выбарчай акругі № 40. Ён вылучаўся ад праўладнай Гомельскай абласной арганізацыі Сацыял-дэмакратычнай партыі Народнай згоды, якую ліквідавалі ў 2023 годзе.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Падсумаваньне тыдня на Свабодзе – у адным суботнім лісьце! Усе эксклюзіўныя і важныя публікацыі за тыдзень – у нашай эмэйл-рассылцы: так вы ніколі не прапусьціце самае цікавае!

Дык падпісвайцеся!

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG