Як паведамляе БЕЛТА, Савет Рэспублікі ўхваліў законапраект «Аб зьмяненьні законаў па пытаньнях рэклямы».
Дакумэнт уводзіць забарону на разьмяшчэньне рэклямы аб працаўладкаваньні і вучобе за межамі Беларусі. Выключэньне складае рэкляма на сайтах, якія ажыцьцяўляюць дзейнасьць, зьвязаную з працаўладкаваньнем за межамі Беларусі, і дапамагаюць паступіць у ВНУ за межамі краіны.
Таксама законапраект уводзіць абавязак для рэклямных агенцтваў на загад дзяржаўных органаў разьмяшчаць рэклямы дзяржаўных сьвятаў, сьвяточных дзён і памятных датаў.