Лінкі ўнівэрсальнага доступу

«Зьмену сэзонаў мы адчулі». Загадчыца траўмапунтку расказала пра найбольш тыповыя зімовыя траўмы менчукоў


Ілюстрацыйнае фота.
Ілюстрацыйнае фота.

Загадчыца траўмахірургічнага аддзяленьня 19-й гарадзкой паліклінікі Менску Юлія Цапко расказала агенцтву «Менск-Навіны» пра тое, як пазьбегнуць зімовых траўм і якія з іх сустракаюцца ў халодную пару года найбольш часта.

У дзень, калі выпаў першы сьнег, у паліклініку зьвярнуліся пяць чалавек менавіта з траўмамі, зьвязанымі з галалёдзіцай,кажа доктарка.

— На жаль, зьмену сэзонаў мы адчулі. Падкрэсьліваю — менавіта з траўмамі, зьвязанымі з галалёдзіцай. Звычайна гэта пераломы шчыкалатак і прамянёвай косткі ў тыповым месцы. Растлумачу: калі чалавек падае, ён міжвольна абапіраецца на рукі. Таму тыповымі зімовымі траўмамі зьяўляюцца пералом прамянёвай косткі ў вызначаным месцы, вывіх пляча ці пералом ключыцы. Вядома, узровень траўматызму ў зімовы пэрыяд вышэйшы, а самі траўмы цяжэйшыя. Калі летам да нас прыходзяць з парэзамі і апёкамі, то зімой гэта абмаражэньні і пераломы.

Каб пазьбегнуць зімовых траўм, доктарка найперш рэкамэндуе зьвярнуць увагу на абутак.

— Калі хадзіць па сьнезе і лёдзе ў красоўках, павялічваецца верагоднасьць атрымаць згаданыя вышэй пашкоджаньні. Падэшва з пратэктарам і без абцаса — гэта тое, што дапаможа захаваць устойлівасьць і ўтрымацца на нагах. Некалькі гадоў таму ўрачы паліклінікі прааналізавалі траўмы грамадзян, якія зьвярнуліся па дапамогу, і высьветлілі, што сярод пацыентак пераважалі аматаркі высокіх абцасаў. Акрамя таго, у дні сьнегападу або галалёдзіцы ад прагулак варта ўстрымацца пажылым людзям, асабліва тым, хто карыстаецца кіем або хадункамі. Гэта ж адносіцца да пакутуючых ад галавакружэньня, артэрыяльнай гіпэртэнзіі, тым, у каго пасьля захворваньня парушана каардынацыя.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG