Лінкі ўнівэрсальнага доступу

Створаная беларусамі аплікацыя Flo трапіла ў сьпіс найлепшых вынаходак году часопісу TIME


Часопіс TIME унёс ананімны рэжым у трэкеры беларускай аплікацыі Flo у топ-200 лепшых вынаходак 2023 году.

Кампанія трапіла ў разьдзел «Аплікацыі і праграмнае забесьпячэньне».

Пра гэта паведамляе выданьне devby.io.

У чэрвені 2022 году Вярхоўны суд ЗША прыняў рашэньне, якое аўтаматычна скасоўвала права на аборты ў шэрагу штатаў. Гэты выклікала асьцярогі што да захаванасьці канфідэнцыйных зьвестак у карыстальніц трэкераў мэнструальнага цыклу.

У верасьні таго ж году Flo дадала ў аплікацыю ананімны рэжым, у якім ключавыя зьвесткі, напрыклад аб цыклях і сымптомах, пераносяцца ў новы ўліковы запіс, дзе няма пэрсанальнай інфармацыі. Функцыя рэалізаваная ў партнэрстве з Cloudflare.

Flo Health — кампанія зь беларускімі каранямі, якая выпускае папулярную мабільную праграму ў сэгмэнце жаночага здароўя. Штаб-кватэра месьціцца ў Лёндане, мае прадстаўніцтвы ў Нідэрляндах і ЗША, офісы распрацоўкі — менскі офіс цяпер закрыты, віленскі адкрыўся ў канцы 2020 году.

Праграма Flo апошнія некалькі гадоў — самая папулярная ў App Store у катэгорыі Health&Fitness. Паводле самой кампаніі, аплікацыя мае ўжо больш за 250 мільёнаў унікальных карыстальнікаў у сьвеце.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG