Лінкі ўнівэрсальнага доступу

У Эгіпце — прэзыдэнцкія выбары, яны адбываюцца на фоне эканамічнага крызісу і вайны ў суседняй Газе


Дзейны прэзыдэнт Эгіпту Абдэль Фатах эль-Сісі
Дзейны прэзыдэнт Эгіпту Абдэль Фатах эль-Сісі

Эгіпцяне пачалі галасаваць у нядзелю на прэзыдэнцкіх выбарах, на якіх прэзыдэнт Абдэль Фатах эль-Сісі ня мае з сур’ёзных супернікаў і можа атрымаць яшчэ адзін тэрмін, захаваўшы ўладу да 2030 году.

Трохдзённае галасаваньне, якое пачынаецца ў нядзелю, праходзіць на фоне ашаламляльнага эканамічнага крызісу ў Эгіпце, краіне з насельніцтвам 105 мільёнаў чалавек, у якой, паводле афіцыйных зьвестак, амаль траціна жыве ў галечы, піша AP.

Крызіс вынікае зь няправільнага кіраваньня эканомікай, а таксама з наступстваў пандэміі каранавірусу і працяглай расейскай вайны ва Ўкраіне, якая ўзрушыла сусьветную эканоміку. Акрамя таго, выбары былі азмрочаны вайной Ізраілю і ХАМАС у суседняй Газе.

Эль-Сісі супрацьстаяць тры кандыдаты: Фарыд Захран, кіраўніку апазыцыйнай Сацыял-дэмакратычнай партыі; Абдэль-Санад Ямама, старшыня партыі нацыянал-лібэральнай партыі «Вафд»; і Хазэм Амар, кіраўнік Рэспубліканскай народнай партыі.

Амбітны малады прэтэндэнт на пасаду прэзыдэнта Ахмэд Алтантаві выбыў з гонкі пасьля таго, як яму не ўдалося атрымаць неабходныя подпісы жыхароў, каб забясьпечыць сваю кандыдатуру. Ён патлумачыў сваю няўдачу перасьледам з боку службаў бясьпекі свайго перадвыбарчага штабу і прыхільнікаў.

Галасаваньне доўжыцца тры дні, пачынаючы зь нядзелі, а другі тур прызначаны на 8-10 студзеня, калі ні адзін з кандыдатаў не набярэ больш за 50% галасоў, паведамляе Нацыянальны выбарчы орган, орган пад кіраўніцтвам суду, які кіруе выбарчым працэсам.

Эгіпецкія эмігранты прагаласавалі 1-3 сьнежня.

Кар’ерны вайсковы афіцэр, эль-Сісі быў упершыню абраны прэзыдэнтам у сярэдзіне 2014 году, праз год пасьля таго, як ён, будучы міністрам абароны, узначаліў ваеннае зьвяржэньне абранага прэзыдэнта-ісламіста, які выклікаў рознагалосьсі, на фоне шырокіх вулічных пратэстаў супраць яго гадавога кіраваньня.

Яго пераабралі ў 2018 годзе на другі чатырохгадовы тэрмін. Перад тымі выбарамі некалькі прэтэндэнтаў былі выгнаныя з краіны або арыштаваныя. А канстытуцыйныя папраўкі 2019 году на рэфэрэндуме дадалі да тэрміну эль-Сісі 2 гады і дазволілі яму балятавацца на трэці, 6-гадовы тэрмін.

Да 2011 году Эгіпет узначальваў дыктатар Хосьні Мубарак, які кіраваў дзяржавай 30 гадоў і быў скінуты ў выніку паўстаньня.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG