Лінкі ўнівэрсальнага доступу

У Тбілісі прайшоў шматтысячны праэўрапейскі марш. ФОТА


Гіганцкі сьцяг Эўразьвязу на акцыі ў Тбілісі, 9 сьнежня 2023
Гіганцкі сьцяг Эўразьвязу на акцыі ў Тбілісі, 9 сьнежня 2023

Дзясяткі тысяч чалавек узялі ўдзел у праэўрапейскім маршы са слоганам «Грузін – значыць эўрапеец». Удзельнікі прайшлі па праспэкце Руставэлі – галоўнай вуліцы краіны. У канцы акцыі яны разгарнулі гіганцкі 33-мэтровы сьцяг Эўразьвязу.

Да маніфэстантаў далучылася прэзыдэнтка Грузіі Саламэ Зурабішвілі. «Мы хочам у Эўропу, бачыце, столькі людзей выйшла на вуліцы, каб прадэманстраваць Эўропе нашае памкненьне», – заявіла яна журналістам. Паводле яе, «Эўропа – гэта прастора, дзе чалавек і яго меркаваньне маюць вялікае значэньне».

Саламэ Зурабішвілі сярод удзельнікаў маршу
Саламэ Зурабішвілі сярод удзельнікаў маршу

Былая амбудсмэнка Ніно Ламджарыя назвала галоўнай мэтай маніфэстацыі імкненьне празаходніх сіл краіны «прадэманстраваць Эўропе, наколькі вялікія чаканьні існуюць у Грузіі ад пасяджэньня Эўрапейскай рады, якое мае адбыцца ў сярэдзіне сьнежня».

Пасол Грузіі ў ЭЗ Павел Херчынскі ў спэцыяльнай заяве пацьвердзіў, што наданьне Грузіі статусу кандыдата ў члены ЭЗ будзе адным з пытаньняў парадку дня пасяджэньня. «Але для станоўчага рашэньня неабходная згода ўсіх 27 дзяржаў, членаў ЭЗ», – папярэдзіў дыплямат.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG