Міхаіл Пірагоў нарадзіўся 25 студзеня 1933 году ў Краснаярскім краі РСФСР (цяпер Расея). У 1957 годзе скончыў архітэктурны факультэт Навасібірскага Інстытуту сыстэм інфарматыкі.
З 1957 па 1975 гады працаваў у Новасібірску. У 1975 годзе атрымаў запрашэньне ў Менск, дзе працаваў на пасадзе галоўнага архітэктара інстытуту Белдзяржпраект, галоўнага архітэктара майстэрні, галоўнага архітэктара праектаў да 2001 году, піша «Саюз архітэктараў Беларусі».
Міхаіл Пірагоў пайшоў з жыцьця 18 кастрычніка, але журналісты заўважылі навіну толькі цяпер.
Пірагоў узнагароджаны ордэнам «Знак Пашаны» (1984 г.).
Асноўныя аб’екты менскага пэрыяду творчасьці (у суаўтарстве): Тэатар драмы і камэдыі ў Бабруйску; станцыі першай чаргі Менскага мэтрапалітэну «Акадэмія навук», «Плошча Якуба Коласа»; прафілякторый на 100 месцаў у Валожынскім раёне; Палац Рэспублікі ў Менску (кіраўнік аўтарскага калектыву).
