Трагедыя адбылася ў школе ў горадзе Арас, загінуў настаўнік.
Аднак інфармацыя пра затрыманьне двух грамадзян Беларусі ў сувязі з нападам у школе «не адпавядае рэчаіснасьці», паведамілі Sputnik у прэс-службе МЗС. Там адзначылі, што беларускае пасольства ў Францыі знаходзіцца ў кантакце з суайчыньнікамі, а таксама з праваахоўнымі органамі.
«Беларусы знаходзяцца ў гасьцініцы, ніякіх абмежавальных мер да іх не прымалася. Бліжэйшым часам яны плянуюць вярнуцца ў Беларусь», — праінфармавалі ў міністэрстве замежных спраў.
Размова ідзе аб злачынстве, якое было ўчынена 13 кастрычніка: 20-гадовы мужчына з нажом учыніў напад на супрацоўнікаў ліцэя Гамбэта ў францускім горадзе Арас, на поўначы краіны.
Тады француская паліцыя паведаміла аб затрыманьні 10 чалавек, якія мелі кантакты з тым, хто нападаў. Таксама была інфармацыя, што сярод затрыманых — двое беларусаў.
Падчас нападу адзін чалавек загінуў, яшчэ трое атрымалі розныя раненьні.
