Раніцай 14 жніўня на пірсе аднаго са шматлюдных курортаў Румыніі Кастынэшць адбыўся моцны выбух, адзін грамадзянін пацярпеў, але ад шпіталізацыі адмовіўся.
Як паведаміла румынскае выданьне Digi24, выбухнула адна міна, а для абясшкоджаньня яшчэ адной накіравалі адмысловую вадалазную групу Вайскова-марскіх сіл Румыніі.
У Вайскова-марскіх сілах Румыніі паведамілі, што з пачатку вайны ва Ўкраіне вадалазы ўжо абясшкодзілі пяць марскіх мінаў.
Расея фактычна ад пачатку свайго ваеннага ўварваньня ва Ўкраіну ўсталявала кантроль над Чорным морам і выкарыстоўвае міны, каб папярэдзіць напад Украіны на Крым. У сваю чаргу Ўкраіна замінавала ўзьбярэжжа ў Адэскай вобласьці, каб не дапусьціць высадкі расейскіх дывэрсійных груп.
