Лінкі ўнівэрсальнага доступу

У Грузіі паабяцалі «дэталёва вывучыць» санкцыі, якія ЗША ўвялі супраць «Белавія», і «адказаць адпаведна»


Самалёт авіякампаніі «Белавія»
Самалёт авіякампаніі «Белавія»

Агенцтва па Грамадзянскай авіяцыі Грузіі сумесна з профільнымі дзяржаўнымі органамі дэталёва вывучыць новыя санкцыі, якія ўвялі ЗША ў дачыненьні да беларускага авіяперавозчыка «Белавія», і пасьля гэтага «адкажа адпаведна», гаворыцца ў заяве грузінскага авіяцыйнага ведамства.

У Агенцтве адзначылі, што ў сувязі зь мінулымі санкцыямі Грузія абмежавала з чэрвеня 2023 году эксплуатацыю «Белавіяй» самалётаў Boeing для палётаў у Грузію. Усе рэйсы беларускай авіякампаніі ажыцьцяўляліся на паветраных судах Embraer.

У Агенцтве грамадзянскай авіяцыі Грузіі падкрэсьлілі, што яны вядуць «пастаянны маніторынг санкцый і абмежаваньняў, якія накладаюць міжнародныя арганізацыі грамадзянскай авіяцыі і кампаніі-вытворцы грамадзянскай авіяцыі, зыходзячы з мэтаў гарантаваньня бясьпекі пасажыраў, палётаў і авіяцыйнай бясьпекі».

Беларуская авіякампанія «Белавія» ў 2022 годзе займала чацьвёртае месца па колькасьці перавезеных пасажыраў у Грузію. Нацыянальны авіяперавозчык ажыцьцяўляе штодзённыя рэйсы Тбілісі-Менск-Тбілісі, Кутаісі-Менск-Кутаісі і чатыры рэйсы на тыдзень Батумі-Менск-Батумі.

9 жніўня ЗША ўвязі санкцыі супраць «Белавія».

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Падсумаваньне тыдня на Свабодзе – у адным суботнім лісьце! Усе эксклюзіўныя і важныя публікацыі за тыдзень – у нашай эмэйл-рассылцы: так вы ніколі не прапусьціце самае цікавае!

Дык падпісвайцеся!

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG