«Расейцы спрабуюць пранікнуць у Польшчу ў большым маштабе і прыцягваюць новых людзей», — сказаў Станіслаў Жарын. Паводле яго ацэнкі, расейцы паспрабуюць стымуляваць і пашырыць існыя рознагалосьсі ў Польшчы, каб паўплываць на зыход парлямэнцкіх выбараў.
Па словах Жарына, узмацненьне беларускіх і расейскіх службаў пацьвярджаюць і лічбы — цягам апошніх 14 месяцаў польскія сілавікі затрымалі 22 шпіёны з гэтых дзьвюх краін.
Жарын адзначыў, расейскія спэцслужбы спрабуюць нарасьціць маштаб укараненьня ў Польшчы. Яны намагаюцца вэрбаваць новых агентаў. У тым ліку таму летась у сакавіку выдварылі з краіны 45 расейскіх дыпляматаў.
Сёлета польскія спэцслужбы заявілі, што разграмілі шпіёнскую сетку, якая працавала на Расею. У справе затрымалі 15 грамадзян Беларусі, Расеі і Ўкраіны.
