Лінкі ўнівэрсальнага доступу

Польшча заявіла аб актывізацыі беларускай і расейскай выведкі


Сьцяг Польшчы
Сьцяг Польшчы

«Мы выяўляем ня толькі падвышаную актыўнасьць выведкі Расеі і Беларусі, але і іншыя дзеяньні супраць Польшчы», — заявіў прадстаўнік польскага ўраду ў бясьпецы інфармацыйнай прасторы Станіслаў Жарын.

«Гібрыдная апэрацыя, у выніку якой аказваецца ціск на нашу мяжу зь Беларусьсю, працягваецца», — зазначыў Жарын

Паводле яго, акрамя актывіазцыі беларускай і расейскай выведкі, працягваюцца атакі ў кібэрпрасторы і прапагандысцкія атакі на Польшчу.

«Расейцы выкарыстоўваюць мноства розных мэтадаў гібрыднай вайны, каб аслабіць Польшчу і наш патэнцыял. Гэта частка вайны, якую Расея вядзе супраць Украіны», — дадаў Жарын.

«Дзеяньні супраць Польшчы зьяўляюцца элемэнтам расейскай агрэсіі, якая ўжо ўплывае на бясьпеку ўсяго NATO. Калі дзеяньні Расеі не будуць спынены, Крэмль кіне прамы выклік саюзьнікам. Гэта толькі пытаньне часу. Расея спадзяецца, што, дэстабілізаваўшы Польшчу, разбурыўшы яе імідж сярод краінаў – сяброў NATO і фізычна дэстабілізаваўшы транспартныя шляхі з Польшчы ва Ўкраіну, яна падрыхтуе глебу для хуткай перамогі над Украінай», — заявіў дзяржсакратар канцылярыі польскага прэм’ер-міністра, намесьнік міністра—каардынатара спэцслужбаў Станіслаў Жарын.

30 чэрвеня стала вядома аб затрыманьні яшчэ аднаго падазраванага ў справе аб расейскай шпіёнскай сетцы. Ён стаў 14-м затрыманым, якога абвінавачваюць у супрацоўніцтве з расейскімі спэцслужбамі.

Нядаўна Станіслаў Жарын заявіў таксама, што зьяўленьне на беларускай тэрыторыі ПВК «Вагнэр» можа «стымуляваць міграцыйную актыўнасьць на мяжы з Польшчай».

«Варта ўлічваць, што ПВК „Вагнэр“ можа быць выкарыстаная для пракладаньня міграцыйнага маршруту з Усходу і для непасрэднага кіраваньня міграцыйнымі працэсамі на беларускай мяжы. Гэта можа стаць вельмі небясьпечнай зьявай», — зазначыў Станіслаў Жарын.

Такім чынам, на яго думку, сцэнар з разьмяшчэньнем вагнэраўцаў у Беларусі можа выкарыстоўвацца Расеяй «для міграцыйнага ціску на Эўропу».

Ён падкрэсьліў, што «гібрыдная актыўнасьць» на польска-беларускай мяжы не спыняецца, а «са статыстыкі Памежнай аховы відаць, што ў 2023 годзе складваецца больш небяспечная сытуацыя [зь мігрантамі], чым годам раней».

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG