«Паглядзім, дзе яны апынуцца, якая іх колькасьць, якія будуць пагрозы. Калі тая колькасьць вагнэраўцаў — 8,5 тысячы — апынецца ў Беларусі (цяпер такой колькасьці няма), паглядзім, што яны там будуць рабіць. У вельмі кароткія тэрміны там разьбілі часовы лягер», — сказаў ён у эфіры ўкраінскага тэлемаратону.
Паводле яго слоў, Украіна будзе ўважліва сачыць за тым, чаму гэта адбываецца — ці для таго, каб «раздражняць Літву, Польшчу, ці каб украінскія войскі, якія стаяць на мяжы, былі ў напружаньні».
«Заўтра мы будзем вельмі ўважліва сачыць за гэтым пытаньнем. Больш за тое, прэзыдэнт даручыў разгледзець гэтае пытаньне на бліжэйшым пасяджэньні Стаўкі з улікам усёй інфармацыі, якая ёсьць у нашай выведнай супольнасьці», — дадаў Данілаў.
На фоне паведамленьняў аб верагодным прыбыцьці ў Беларусь ПВК «Вагнэра» Польшча заявіла аб умацаваньні сваёй усходняй мяжы.
