У рамках гэтай даставы ў польскія войскі перадалі адну роту танкаў, якая складаецца з 14 машын. Плянуецца, што сёлета Польшча атрымае яшчэ дзьве роты танкаў, а ў далейшым — батальён такіх баявых машын.
«Я хацеў бы падзякаваць свайму калегу ва ўрадзе ЗША, міністру абароны ЗША Лойду Остыну. Дзякуючы падтрымцы дзяржсакратара Остына мы захавалі такія высокія тэмпы», — заявіў кіраўнік Мінабароны Марыюш Блашчак падчас свайго выступу.
Танкі пастаўляюцца ў рамках дамовы з ЗША, падпісанай сёлета ў студзені. Яны паступяць на ўзбраеньне 18-й мэханізаванай дывізіі з штаб-кватэрай у Седльцах.
Таксама Польшча чакае пастаўкі з ЗША 250 танкаў Abrams у найноўшай вэрсіі M1A2 SEP v. 3.
Летась на падставе асобнай дамовы армія ЗША перадала 28 танкаў M1A2 SEP v.2 Abrams з інструктарамі для навучаньня польскіх экіпажаў у рамках Акадэміі ABRAMS, запушчанай у Вучэбным цэнтры Сухапутных войскаў у Познані.
