Лінкі ўнівэрсальнага доступу

Чаму Генпракуратура і Лукашэнка ўзяліся за сэксуальнае выхаваньне беларусаў


Аляксандар Лукашэнка і Андрэй Швед
Аляксандар Лукашэнка і Андрэй Швед

Генпракуратура Беларусі распрацавала шэраг ініцыятыў па палавым выхаваньні беларусаў. Ведамства прапануе штрафаваць за прапаганду «нетрадыцыйных сэксуальных адносін, зьмены полу і чайлдфры». Усе прапановы падтрымаў Лукашэнка. 

Новаўвядзеньні ў эфіры Свабоды Premium камэнтуе гендэрная экспэртка Юлія Міцкевіч. На яе думку, гэтыя прапановы Генпракуратуры ўкладаюцца ў лёгіку таго, што адбываецца ў Беларусі.

«На жаль, гвалт стаў на нацыянальным узроўні ад імя дзяржавы сацыяльна-ухваляльнай зьявай. І таму любая іншасьць павінна быць пакараная. Тое, што ўсё гэта ідзе ў зьвязцы з выхаваньнем дзяцей, чайлдфры, пэдафіліі — гэта ўсё лягічна, бо трэба выхоўваць беларусаў і беларусак зь дзяцінства ў традыцыйных каштоўнасьцях. Зь іншага боку, мы бачым, што ідзе сынхранізацыя з тым, што адбываецца ў Расеі», — гаворыць Міцкевіч.

Экспэртка перакананая, што калі праекты агучаныя, то рэжым іх абавязкова зацьвердзіць. На яе думку, гэта яшчэ больш узмацніць рэпрэсіі ў Беларусі.

Цалкам інтэрвію глядзіце ў відэавэрсіі на Youtube.

Апрача таго, у Беларусі прапануюць хімічна кастрыраваць пэдафілаў. Хімічная кастрацыя адбываецца з дапамогай анафрадызіякаў, каб паменшыць лібіда і сэксуальную актыўнасьць.

У адрозьненьне ад хірургічнай кастрацыі, калі палавыя залозы выдаляюцца, хімічная кастрацыя не выдаляе органы і не зьяўляецца формай стэрылізацыі.

Такі від кастрацыі прымяняюць у Аргентыне, Малдове, Польшчы, некаторых штатах ЗША. У некаторых краінах хімічная кастрацыя добраахвотная. Вядомыя выпадкі, калі злачынцы пагаджаліся на ўмяшальніцтва, паколькі баяліся, што змогуць учыніць злачынства на сэксуальнай глебе зноў.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG