Пра гэта Мікалай Халезін паведаміў у Facebook.
Чарльз III даваў узнагароды ў гонар свайго дня нараджэньня.
Больш за 10 гадоў таму сужэнцы Халезін і Каляда атрымалі палітычны прытулак у Вялікай Брытаніі.
Натальля Каляда мяркуе, што гэтая ўзнагарода прызнае іхнія дасягненьні ў сьвеце тэатра і мастацкае выяўленьне іхняй барацьбы за правы і свабоды чалавека.
«Як мастакі, і як грамадзяне, мы думаем, што сёньня як ніколі важна пакласьці канец вайне ва Ўкраіне і дыктатуры ў Беларусі, каб гарантаваць бясьпеку і стабільнасьць Эўропы», — пракамэнтавала ўзнагароду Натальля Каляда.
Мікалай Халезін адзначыў, што мастацтва фармуе людзей і нацыі.
«Мы жывем у тыя часы, калі часам здаецца, што мастацтва і тэатар больш ня маюць значэньня. Такі гонар яшчэ раз падкрэсьлівае сутнасьць таго, чаму мы робім тое, што робім; і мы падзяляем яе з усімі, хто калі-небудзь быў і працягвае зьяўляцца часткай нашага творчага працэсу — як на сцэне, так і за яе межамі», — выказаўся Мікалай Халезін з нагоды ўзнагароды.
