Магілёўскага бізнэсоўца Ўладзімера Тычынскага арыштавалі на 15 сутак за ўкраінскі і беларускі нацыянальны сьцягі ў аўтамабілі. У сюжэце магілёўскага каналу «Беларусь 4» сказалі, што ён нібыта «быў прыхільнікам укра-нацысцкіх фармаваньняў», а таксама «езьдзіў з украінскай нацыяналістычнай сымболікай у сваім аўто», паведамляюць праваабаронцы. Пад апошнім маецца на ўвазе дзяржаўны сьцяг Украіны.
Як адзначае MAYDAY, у канцы мінулага тыдня над Уладзімерам адбыўся судовы працэс, які ня быў адлюстраваны ні ў папяровым раскладзе ў будынку суда, ні ў электронным раскладзе. Ёсьць інфармацыя, што яго арыштавалі на 15 сутак.
