Лінкі ўнівэрсальнага доступу

Выведка Ўкраіны: У Расеі можа пачацца мяцеж або ваеннае супрацьстаяньне


 Андрэй Юсаў
Андрэй Юсаў

Адным са сцэнароў разьвіцьця падзей у Расеі можа быць мяцеж або ваеннае супрацьстаяньне, заявіў прадстаўнік Галоўнага ўпраўленьня выведкі Мінабароны Ўкраіны Андрэй Юсаў.

«У выніку пасьпяховых дзеяньняў сіл бясьпекі і абароны Ўкраіны і дэакупацыі нашых тэрыторый магчымыя ўнутраныя канфлікты ўнутры самой Маскоўшчыны, — адзначыў ён.

Юсаў таксама выказаў здагадку, што разьвіцьцё адпаведнага сцэнару «таксама можа прывесьці да пасьпяховых дзеяньняў расейскіх паўстанцаў».

Па словах прадстаўніка выведкі, апэрацыя «Рассейскага добраахвотніцкага корпуса» і легіёна «Свабода Расеі» працягваецца. Паводле яго слоў, цяпер на тэрыторыі РФ засталіся ў асноўным «пузатыя гаішнікі».

Ён дадаў, што барацьба з узброенымі баевікамі не ўваходзіць у кампэтэнцыю «гибддшников», накіраваных прэзыдэнтам Расеі Ўладзімірам Пуціным на мяжу ў рамках пляна «Эдэльвейс», таму што яны «у асноўным навучаныя зьбіваць удзельнікаў мірных акцый пратэсту дубінкамі і браць хабар з пэнсіянэраў».

«Таму гэта было так няўдала. Таму трэба з артылерыі і „Градаў“ бамбіць і зьнішчаць цывільныя дамы саміх маскоўцаў. Гэта ўсё адбываецца ў прамым эфіры, увесь сьвет глядзіць», — сказаў на заканчэньне прадстаўнік выведкі.

22 траўня на тэрыторыю Белгарадзкай вобласьці Расеі ўвайшлі некалькі дзясяткаў байцоў, якія заявілі пра сваю прыналежнасьць да РДК і легіёну «Свабода Расеі». Яны захапілі расейскую памежную заставу і знаходзіліся ў некалькіх населеных пунктах гарадзкой акругі. Падчас гэтых рэйдаў у Кіеве сьцьвярджалі, што Ўкраіна не мае да іх наўпроставага дачыненьня, паколькі «Расейскі добраахвотніцкі корпус» не ўваходзіць у склад яе ўзброеных сіл і складаецца з грамадзян Расеі.

Раніцай 1 чэрвеня Расейскі добраахвотніцкі корпус і легіён «Свабода Расеі», якія ваююць на баку Ўкраіны, абвясьцілі аб новым рэйдзе на тэрыторыю РФ. Пасьля Мінабароны РФ паведаміла аб «няўдалай спробе ўварваньня» у Белгародзкай вобласьці.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG