Расейская ФСБ затрымала на расейска-беларускай мяжы 492 кіляграмы какаіну, які спрабавалі вывезьці на дзьвюх фурах са Смаленскай вобласьці, паведамляе ТАСС з спасылкай на прэс-службу ФСБ.
«Фэдэральнай службай бясьпекі спынена новая спроба ўвозу ў Расею лацінаамэрыканскага какаіну. Чарговая партыя какаіну, якая рухалася ў кірунку Рэспублікі Польшчы, канфіскаваная на расейска-беларускай мяжы ў Смаленскай вобласьці», — адзначылі ў Цэнтры грамадзкіх сувязяў ФСБ.
Паводле інфармацыі ведамства, падчас надгляду велікагрузнага аўтамабіля зь дзяржаўным рэгістрацыйным знакам Турэцкай Рэспублікі супрацоўнікі ФСБ Расеі знайшлі схованку, у якой было 116 упаковак з наркотыкамі. Аналягічным маршрутам ішоў яшчэ адзін аўтамабіль з партыяй какаіну.
У ім у такой жа схованцы знайшлі 373 упакоўкі з наркатычнымі сродкамі. Агульная вага канфіскаванага ў дзьвюх фурах какаіну склала 492 кг.
Затрымалі замежнага грамадзяніна – арганізатара кантрабанды наркотыкаў.
