Лінкі ўнівэрсальнага доступу

Эўрапол выкрыў міжнародную банду. Арышты і ператрусы адбыліся ў дзесяці краінах


Наркатычныя рэчывы, ілюстрацыйнае фота
Наркатычныя рэчывы, ілюстрацыйнае фота

Паліцэйскае агенцтва Эўразьвязу — Эўрапол — арыштавала 44 удзельнікаў наркагрупоўкі. У беспрэцэдэнтнай акцыі ўдзельнічаюць некалькі краін.

Эўрапейскім праваахоўным органам і юстыцыі ўдалося выявіць злачынную групоўку, якая дзейнічае па ўсім сьвеце. Паводле зьвестак Эўраполу і Эўраюсту, у выніку аблаваў у 10 краінах арыштаваныя 44 чалавекі. Акрамя абвінавачаньняў у гандлі наркотыкамі і адмываньні грошай, гэтыя людзі падазраюцца ў прыналежнасьці да адной з самых небясьпечных груповак, якія дзейнічаюць у ЭЗ, піша Deutsche Welle.

Паводле сьледзтва, некалькі злачынных груповак з трох кантынэнтаў супрацоўнічалі паміж сабой пры буйных злачынствах як у ЕЗ, так і за яго межамі. У працэсе пошуку лідэраў і іхных памагатых паліцыя 22 лістапада правяла агулам 94 ператрусы.

Мяркуецца, што ў міжнародную банду ўваходзяць крымінальнікі ў Літве, Латвіі, Чэхіі, Польшчы, Францыі, Нямеччыне і Славаччыне. Па дадзеных Эўраполу і Эўраюсту, маштабы гандлю наркотыкамі велізарныя. Падчас рэйду былі канфіскаваныя вялікія колькасьці незаконных рэчываў, у тым ліку какаін, гашыш, марыхуана і мэтамфэтамін.

Злачынны сындыкат спрабуе цалкам кантраляваць ланцужок наркатрафіку ад арганізацыі масавых паставак наркотыкаў да распаўсюду.

У «беспрэцэдэнтнай міжнароднай апэрацыі» ўдзельнічалі судовыя і праваахоўныя органы адзінаццаці краін, у тым ліку Нямеччыны, ЗША, Францыі і Гішпаніі. Расьсьледаваньне праводзілі літоўскія ўлады зь міжнароднай каардынацыяй.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG