Лінкі ўнівэрсальнага доступу

«Мы цяпер — голас 9 мільёнаў беларусаў». У Вільні пачалася Канфэрэнцыя беларусаў сьвету


22–23 красавіка ў сталіцы Літвы праходзіць ІІ Канфэрэнцыя беларусаў сьвету, якую ініцыявала Сьвятлана Ціханоўская, каб працягнуць арганізацыю ўзаемадзеяньня паміж беларускай дыяспарай і лідэрамі дэмакратычных сіл Беларусі.

Яе асноўныя мэты:

  • Выпрацаваць прыярытэты і стратэгію разьвіцьця і падтрымкі беларускай дыяспары.
  • Палепшыць мэханізмы каардынацыі паміж дыяспарамі і палітычнымі цэнтрамі.
  • Распрацаваць праекты і плян працы на 2023-2024 гады.

У Канфэрэнцыі бяруць удзел лідэры дэмакратычных сіл, уключаючы Аб'яднаны пераходны кабінэт, Каардынацыйную раду па ўрэгуляваньні палітычнага крызісу ў Беларусі, «народныя амбасады» і інш. — агулам, як паведамлялі раней, каля 150 удзельнікаў і ўдзельніц.

На адкрыцьці канфэрэнцыі 22 красавіка выступіла Сьвятлана Ціханоўская.

«Беларусы ў эміграцыі з кожным годам робяць усё больш на карысьць новай Беларусі і, з 24 лютага 2022 году, робяць шмат для падтрымкі Ўкраіны. Дзякуючы гэтаму ў замежжы зьяўляецца больш новых таленавітых і актыўных беларусаў і беларусак, якіх ужо ведаюць улады іншых краінаў.

Ад гэтага на нас з вамі — вялікая адказнасьць. Бо мы цяпер— голас 9 мільёнаў беларусаў. Беларусаў, якія знаходзяцца ў пастаянным страху за сваё жыцьцё, бо ў краіне штодзень праходзяць масавыя затрыманьні. Беларусаў, якія ня ведаюць, што будзе заўтра, ці праз тыдзень, бо з цяперашнім станам беларускай эканомікі людзі не жывуць, а выжываюць. Беларусаў, якія супраць вайны, супраць ядзернай зброі і супраць дыктатуры», — заявіла Ціханоўская падчас выступу.

Зь відэапрывітаньнем да ўдзельнікаў канфэрэнцыі таксама зьвярнулася старшыня Рады Беларускай Народнай Рэспублікі Івонка Сурвіла.

Праграму Канфэрэнцыі можна паглядзець тут.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG