Лінкі ўнівэрсальнага доступу

У Бучанскім раёне мае зьявіцца вуліца ў гонар беларускага добраахвотніка


У Бучанскім раёне пад Кіевам мае зьявіцца вуліца ў гонар беларускага добраахвотніка Ільлі «Літвіна».

Адпаведнае рашэньне прыняла на сваім паседжаньні 12 красавіка Бучанская гарадзкая рада.

Як адзначаецца ў рашэньні Бучанскай гарадзкой рады, на імя Ільлі «Літвіна» перайменавана вуліца Акружная. Яна адміністрацыйна адносіцца да горада Ворзэля, які ўваходзіць у склад Бучанскай гарадзкой тэрытарыяльнай грамады. Гэтая вуліца знаходзіцца на мяжы між Бучай і Ворзэлем.

Адметна, што гарадзкая рада вырашыла ў назьве вуліцы выкарыстаць вайсковы пазыўны беларуса, а не ягонае сапраўднае прозьвішча.

27-гадовы Ільля Хрэнаў, пазыўны «Літвін», зь беларускай роты тэрытарыяльнай абароны батальёну «Азоў», стаў першым беларускім добраахвотнікам, які загінуў пасьля поўнамаштабнага расейскага ўварваньня ва Ўкраіну. Ільлю паранілі ў баях за Бучу, зрабілі апэрацыю, але гэта не дапамагло. 4 сакавіка 2022 году беларус памёр.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Падсумаваньне тыдня на Свабодзе – у адным суботнім лісьце! Усе эксклюзіўныя і важныя публікацыі за тыдзень – у нашай эмэйл-рассылцы: так вы ніколі не прапусьціце самае цікавае!

Дык падпісвайцеся!

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG