Сёньня ў будынку Ленінскага РАУС праз скайп над Віктарам адбыўся суд паводле ч. 2 арт. 19.11 КаАП (Распаўсюд экстрэмісцкіх матэрыялаў). Праваабаронцу прысудзілі 25 базавых велічынь штрафу па адміністрацыйнай справе і адпусьцілі, паведамляе «Вясна».
Віктара Сазонава затрымлівалі 14 ліпеня 2021 году, калі па ўсёй Беларусі пракацілася хваля ператрусаў і затрыманьняў праваабаронцаў.
Значны час Сазонаў быў у статусе падазраванага ў «справе Вясны», знаходзіўся пад падпіскай аб нявыезьдзе, пазьней зь яго гэты статус зьнялі.
Віктар Сазонаў — вядомы грамадзкі дзеяч, праваабаронца, пісьменьнік.
