Лінкі ўнівэрсальнага доступу

Беларускія байцы ва Ўкраіне сьцьвярджаюць, што ўзялі ў палон расейскіх салдат і хочуць абмяняць іх


Нож і шэўрон з "Пагоняй"
Нож і шэўрон з "Пагоняй"

Палкавое падразьдзяленьне БПЛА імя Мікіты Крыўцова, якое ваюе на баку Ўкраіны, заяўляе, што ў ходзе штурмавой апэрацыі беларускія байцы ўзялі ў палон расейскіх салдат.

На YouTube-канале палка Каліноўскага апублікаванае відэа, дзе адзін з палонных тэлефануе сваёй дзяўчыне, у нейкі момант там зьяўляецца і мужчынскі голас. Палонны кажа, што гэта ягоны сябар, расказвае, што патрапіў у палон, і просіць яго схадзіць у ваенкамат і запатрабаваць, каб яго ўключылі ў сьпіс на абмен. І сябар, і дзяўчына, не адразу вераць, але палонны кажа ім кодавыя праверачныя словы, і яны пераконваюцца, што гэта сапраўды ён.

Прадстаўнік палка ўдакладняе, што расейскі салдат знаходзіцца ў палоне ў беларусаў. «Мы ў чарговы раз папоўнілі абменны фонд Украіны і спадзяемся, што гэта паскорыць вяртаньне з палону нашых байцоў», – пішуць байцы палка на сваім ютуб-канале.

  • У жніўні 2022 года ў расейскі палон трапілі вайскоўцы зь беларускага Палка Кастуся Каліноўскага — Ян Дзюрбейка (пазыўны «Тромбл») і Сяргей Дзёгцеў («Клешч»). Яны ўключаныя ў сьпіс на абмен.
  • Падразьдзяленьне БПЛА зьявілася ў палку Каліноўскага летась. Яно названае ў гонар футбольнага фаната з Маладзечна Мікіты Крыўцова, які загінуў падчас пратэстаў 2020 году. Яго знайшлі павешаным пад Менскам. СК адмовіўся распачынаць крымінальную справу.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG