Камандуючы ВПС Даніі генэрал-маёр Ян Дам паведаміў агенцтвуReuters, што такое рашэньне прынятае на фоне вайны Расеі ва Ўкраіне. Паўночныя краіны будуць супрацоўнічаць у тым ліку і каб супрацьстаяць магчымай расейскай пагрозе.
«Наш агульны [паветраны] флёт можна параўнаць з авіяцыяй буйной эўрапейскай краіны», — заявіў Дам.
Пагадненьне падпісалі на вайсковай базе Рамштайн у Нямеччыне. Пры падпісаньні прысутнічаў камандуючы вайскова-паветранымі сіламі NATO генэрал Джэймс Хекер.
Краіны Паўночнай Эўропы абʼяднаныя шчыльнымі палітычнымі, эканамічнымі і культурнымі сувязямі. Аднак у вайскова-палітычных адносінах яны прытрымліваюцца розных статусаў.
Данія з 1949 году ўваходзіць у NATO, зьяўляючыся адной з краін-заснавальніц альянсу. Фінляндыя і Швэцыя раней прытрымліваліся нэўтралітэту, але пасьля пачатку поўнамаштабнага ваеннага ўварваньня Расеі ва Ўкраіну ў 2022 годзе падалі заяўкі на ўступленьне ў NATO. Нарвэгія таксама ўваходзіць у NATO, але, у адрозьненьне ад іншых паўночных краін, не ўваходзіць у Эўразьвяз, хоць і супрацоўнічае зь ім.
