Лінкі ўнівэрсальнага доступу

Папа Францішак заявіў пра гатоўнасьць наведаць Украіну, але пры ўмове, што зможа прыехаць і ў Расею


Папа Рымскі Францішак
Папа Рымскі Францішак

Папа Рымскі Францішак заявіў, што гатовы паехаць ва Ўкраіну, якая зазнае агрэсію з боку Расеі, але толькі пры ўмове, што ён зможа таксама паехаць у Маскву.

«Я паеду альбо ў абодва месцы, альбо ні ў адно», — сказаў пантыфік у інтэрвію аргентынскай газэце La Nacion 11 сакавіка. Ён лічыць, што для яго паездка ў расейскую сталіцу «не зьяўляецца немагчымай».

Таксама папа Францішак адзначыў, што ў Ватыкана няма мірнага пляна па заканчэньні вайны, аднак ёсьць «служба міру», якая старанна працуе над тым, каб пакласьці канец жорсткаму расейскаму ўварваньню ва Ўкраіну.

На думку пантыфіка, малаімаверна, што сустрэча Ўладзіміра Пуціна і Уладзіміра Зяленскага ў Ватыкане можа адбыцца ў будучыні.

З пачатку поўнамаштабнага ўварваньня Расеі ва Ўкраіну папа Францішак згадваў Украіну амаль ва ўсіх сваіх публічных выступах і ўсё больш крытыкаваў Маскву.

У пачатку лютага гэтага году пантыфік запэўніў, што гатовы правесьці сустрэчу з прэзыдэнтам Украіны Уладзімірам Зяленскім і расейскім лідэрам Уладзімірам Пуціным. Ён таксама заяўляў, што да гэтага часу не наведаў Кіеў, паколькі няма магчымасьці прыехаць у Маскву. Але Францішак адзначыў, што просіць аб дыялёгу.

9 студзеня папа Рымскі Францішак у штогадовай прамове перад акрэдытаванымі ў Ватыкане дыпляматамі заявіў, што войны, падобныя да вайны Расеі ва Ўкраіне, дзе мірных жыхароў тэрыторыі бязладна зьнішчаюць, «зьяўляюцца злачынствам супраць Бога і чалавецтва».

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG