Зьмены не на карысьць беларускай мовы заўважыла ініцыятыва «Ўмовы для мовы». Там ьвярнуліся ў сам банк з просьбай патлумачыць, што сталася.
«Зараз па рашэньні банку ў мабільным дадатку можна выкарыстоўваць толькі расейскую мову, магчымасьць выбару іншай мовы адсутнічае.
Гэта рашэньне зьяўляецца правам банку, не парушае дзейнае заканадаўства Рэспублікі Беларусь і абумоўлена высокімі выдаткамі на падтрыманьне дадатковых лякалізацый пры малой кліенцкай базе карыстальнікаў беларускага моўнага пакету», — адказалі на электронны зварот у «Сбербанку».
«БПС-Сбербанк» — беларускі банк з расейскім капіталам. Гэта адзін з найбуйнейшых банкаў Беларусі паводле актываў.
