Паводле слоў Столтэнбэрга, на сустрэчы абмяркоўвалася «роля Беларусі ў вайне Пуціна». «Беларусь працягвае разьмяшчаць і падтрымліваць расейскія войскі на сваёй тэрыторыі, паглыбляе палітычную і ваенную інтэграцыю з Расеяй», — адзначыў генэральны сакратар NATO.
Таксама генсакратар заявіў, што моцная прысутнасьць «адной з баявых групаў NATO» у Польшчы дапамагае стрымліваць агрэсію. Столтэнберга падкрэсьліў, што альянс будзе абараняць «кожны сантымэтар» Польшчы і саюзьнікаў.
Перамовы Столтэнбэрга і Дуды прайшлі 15 лютага ў штаб-кватэры NATO ў Бруселі. 14 і 15 лютага там адбылася сустрэча міністраў абароны краін Паўночнаатлянтычнага альянсу.
