Колькасьць ахвяр землетрусу ў Турэччыне і Сырыі перавысіла 21 000 чалавек

10 люты 2023, 11:27

Наступствы землятрусу ў Сырыі. 9 лютага 2022

Парлямэнт Турэччыны ўхваліў уступленьне ў сілу ўказу прэзыдэнта аб увядзеньні ў 10 пацярпелых правінцыях краіны надзвычайнага становішча на тры месяцы.

Колькасьць ахвяр разбуральнага землетрасу ў Турэччыне 6 лютага перавысіла 18 тысяч. Пра гэта заявіў у пятніцу, 10 лютага, віцэ-прэзыдэнт краіны Фуат Актай.

Колькасьць загінулых склала 18 342, колькасьць пацярпелых – 74 242 чалавек. Разбураны 6 444 будынкі.

У суседняй Сырыі, поўнач якой таксама пацярпела ў выніку штуршкоў, колькасьць загінулых складае ня менш за 3480 чалавек, паведамляе Reuters са спасылкай на зьвесткі ўладаў, а таксама экстраных службаў з кантраляванай паўстанцамі часткі краіны.

Сырыйскія дзяржаўныя СМІ паведамілі, што больш за 298 тысяч чалавек засталіся без жытла.

Па зьвестак САЗ, землятрус мог закрануць каля 23 млн чалавек у Турэччыне і Сырыі, у тым ліку 1,4 млн дзяцей.

Колькасьць ахвяраў землятрусу ў Турэччыне і Сырыі вырасла да 15 тысяч. ФОТА

1/8 Землятрус магнітудай 7,8 бала адбыўся раніцай 6 лютага за 23 кілямэтры на ўсход ад Нурдагі на глыбіні 24,1 км. Нурдагі знаходзіцца ўздоўж турэцка-сырыйскай мяжы, і землятрус адчуваўся ў некалькіх краінах рэгіёну, у тым ліку ў Сырыі і Лібане.

Паказаць яшчэ Паказаць менш

2/8 Больш за 30 000 чалавек атрымалі раненьні, і ўлады чакаюць, што колькасьць загінулых будзе расьці, бо ратавальнікі імкнуцца выцягваць тых, хто выжыў, з-пад завалаў у гарадах і пасёлках па ўсёй тэрыторыі.

Паказаць яшчэ Паказаць менш

3/8 Усяго ў выніку найбуйнейшага землятрусу на паўднёвым усходзе Турэччыны і на поўначы Сырыі пацярпелі да 23 млн чалавек, у тым ліку 5 млн асабліва ўразьлівых людзей.

Паказаць яшчэ Паказаць менш

4/8 Урад Турэччыны ацаніў колькасьць людзей, якія непасрэдна пацярпелі ад землятрусу ў гэтай краіне, у 13,5 млн чалавек. Колькасьць ахвяр імкліва павялічваецца.

Паказаць яшчэ Паказаць менш

5/8 Пад заваламі ўсё яшчэ застаюцца людзі. Аднак ва ўмовах зімовых халадоў магчымасьцяў дастаць іх адтуль жывымі ўсё менш.

Паказаць яшчэ Паказаць менш

6/8 Зруйнавана прыблізна шэсьць тысяч будынкаў, сярод якіх шматпавярховыя жылыя дамы. Па прагнозах Сусьветнай арганізацыі здароўя, канчатковая колькасьць загінулых можа перавысіць 20 тысяч.

Паказаць яшчэ Паказаць менш

7/8 Прэзыдэнт Турэччыны Рэджэп Эрдаган аб'явіў 10 гарадоў на поўдні краіны зонамі бедзтва, паведаміўшы, што ў кожным зь іх будзе ўведзена трохмесячнае надзвычайнае становішча.

Паказаць яшчэ Паказаць менш

8/8 Землятрус 6 лютага стаў самым моцным у Турэччыне з 1939 году. Землятрусы такой магнітуды рэдкія, у сярэднім менш за пяць за год у любым пункце сьвету.

Паказаць яшчэ Паказаць менш

Па дадзеных прадстаўнікоў турэцкіх гуманітарных арганізацый, агульная шкода ад землятрусу ў Турэччыне перавысіць чатыры мільярды даляраў. Такую суму раней прыводзіла рэйтынгавае агенцтва Fitch.

У горадзе Адыяман на паўднёвым усходзе Турэччыны пад развалінамі сяміпавярховага гатэлю шукаюць дзьве дзіцячыя валейбольныя каманды, якія прыляцелі зь непрызнанай Турэцкай рэспублікі Паўночнага Кіпра, з Фамагусты.

Разам з настаўнікамі і некаторымі бацькамі іх было 39 чалавек. Знойдзены целы двух пэдагогаў і дзіцяці.

У Сырыі склалася крытычная сытуацыя з дастаўкай гуманітарнай дапамогі ў пацярпелыя ад землятрусу рэгіёны — з прычыны дрэнных дарог і праблем зь лягістыкай. 9 лютага шэсьць грузавікоў праехалі праз кантрольна-прапускны пункт Баб-эль-Хава ў Ідлібе. Ратавальнікі паведамляюць, што тут загінулі сама меней 1900 чалавек. Сотні сем’яў апынуліся ў пастцы пад рэшткамі будынкаў.

Паводле зьвестак сырыйскага агенцтва SANA, у пацярпелую правінцыю Латакія партыю харчаваньня ў экстранным парадку даставілі з авіябазы Хмеймім расейскія вайскоўцы.

Землятрус магнітудай 7,8 на паўднёвым усходзе Турэччыны і ў паўночна-заходняй Сырыі адбыўся ў ноч на 6 лютага ў выніку сутыкненьня Аравійскай пліты з Усходне-Эўрапейскай плятформай. Яшчэ адзін землятрус, магнітудай 7,7, адбыўся ў цэнтральнай частцы Турэччыны ў той жа дзень. У краіне да 12 лютага абвешчаная нацыянальная жалоба.
Тысячы жыхароў пацярпелых гарадоў засталіся без жыльля, разбураныя тысячы будынкаў, у тым ліку шпіталі, школы і шматкватэрныя дамы.
Больш за 12 000 ратавальнікаў са службаў па надзвычайных сытуацыях і 9000 вайскоўцаў занятыя на расчыстцы завалаў і пошуку тых, хто выжыў і хто загінуў.
Выратавальныя каманды і мэдыкі прыбылі ў Турэччыну і Сырыю з 70 краінаў. ААН выдзеліла 25 мільёнаў даляраў са свайго надзвычайнага фонду на аказаньне тэрміновай гуманітарнай дапамогі пацярпелым у Турэччыне і Сырыі.