Праваабаронцам «Вясны» стала вядома пра затрыманьне 7 лютага адваката Максіма Агеева.
Прычыны затрымання і дзе ўтрымліваюць адваката, пакуль невядома.
Максім быў абаронцам шмат каго з палітвязьняў.
Менскі гарадзкі суд 2 лютага вынес прысуд у справе адваката і юрыста Віталя Брагінца. Асудзілі яго на 8 гадоў калёніі.
Раней былому адвакату Андрэю Мачалаву, які бараніў палітвязьняў, прысудзілі 2 гады «хіміі». Мачалава абвінавацілі ў тым, што ён нібыта падрабіў ордэр на ўдзел у крымінальным працэсе, хоць ведаў, што ўжо выключаны зь Менскай гарадзкой калегіі адвакатаў.
Многіх адвакатаў з пачатку масавых рэпрэсіяў 2020 году ўлады пазбавілі ліцэнзіі.
