Паводле прэсавай службы Лукашэнкі, бакі абмеркавалі «агульны парадак узаемадзеяньня ў эканоміцы, палітыцы, пытаньні бясьпекі», а таксама Пуцін і Лукашэнка дамовіліся аб наступнай сустрэчы найбліжэйшым часам. Паведамляецца, што яе мэта – «кантроль за выкананьнем урадамі даручэньняў па імпартазамяшчэньні і антысанкцыйным узаемадзеяньні».
Яшчэ адным блёкам пытаньняў названа падрыхтоўка да пасяджэньня Вышэйшага дзяржсавета «саюзнай дзяржавы» у красавіку-траўні. «На пасяджэньні, як чакаецца, існуючыя дамоўленасьці будуць фармалізаваны, падпісаны адпаведныя дакумэнты. Але да гэтага ўвесь спэктар актуальных на сёньняшні дзень пытаньняў кіраўнікі дзяржаў абмяркуюць і ўдакладняць у ходзе маючай адбыцца сустрэчы», — сказана ў паведамленьні.
Прэс-служба Крамля аб размове не паведамляе.
Візыт Пуціна ў Беларусь адбыўся 19 сьнежня 2022 году, першы для яго за тры з паловай гады.