Ініцыятыва dissidentby паведаміла, што сёньня выйшлі на волю палітвязьні Аляксандар Мілашэўскі і Андрэй Пятроўскі.
Аляксандар Мілашэўскі — жыхар Менску. Ён быў асуджаны на 2 гады пазбаўленьня волі па «справе Зельцара». Аляксандар знаходзіўся ў СІЗА-1, калі скончыўся тэрмін пакараньня.
Андрэй Пятроўскі — настаўнік са Смаргоняў. Перад Днём Канстытуцыі ён паказваў 11-й клясе відэаролік «Канстытуцыя сышла ў прастытуцыю» зь лягатыпам, які беларускія ўлады прызналі «экстрэмісцкім». Да таго ж настаўнік расказваў пра бел-чырвона-белы сьцяг, бо дзеці задавалі пра яго пытаньні.
«Здаў» яго вучань, сын чыноўніцы. За «паклёп на Лукашэнку» Пятроўскага асудзілі на паўтара года калёніі. Андрэй адбываў пакараньне ў ПК-2 у Бабруйску.
- На гэты момант беларускія праваабаронцы прызналі палітычнымі зьняволенымі каля 1500 чалавек.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў