Інцыдэнт, паводле зьвестак выданьня, адбыўся каля сынагогі ў раёне Нэвэ-Яакаў. Калі прыхаджане выходзілі з сынагогі, па іх адкрылі агонь. Паліцыя заявіла, што падазраваны ў нападзе быў застрэлены.
Паводле інфармацыі выданьня Yedioth Ahronoth, тэрарыст — жыхар арабскага раёна Шуафат ва Ўсходнім Ерусаліме, зьвязаны з тэрарыстычнай арганізацыяй ХАМАС.
На месцы здарэньня паліцыянты знайшлі пісталет, зь якога, імаверна вёўся агонь па мінаках. Паліцыя праводзіць ператрусы ў навакольлях сынагогі ў пошуках памагатага стрэлка.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў