Лінкі ўнівэрсальнага доступу

Рэпэтытара Лівянта, ягоных сваякоў і калегу перавялі ў СІЗА на Валадарскага. Супраць іх завялі крымінальную справу


Яўген, Галіна, Юлія, Ганна Лівянты
Яўген, Галіна, Юлія, Ганна Лівянты

Як стала вядома Свабодзе, рэпэтытара Яўгена Лівянта, ягоную жонку Юлію, дачку Ганну, яе мужа Мікіту Дразда і суўладальніка адукацыйнага цэнтру «100 балаў» Аляксея Іванова перавялі ў СІЗА на вуліцы Валадарскага ў Менску. Супраць іх завялі крымінальную справу паводле артыкулу 342 Крымінальнага кодэксу — арганізацыя і падрыхтоўка дзеяньняў, якія груба парушаюць грамадзкі парадак, альбо актыўны ўдзел у іх.

Паводле гэтага артыкулу можа пагражаць да 4 гадоў пазбаўленьня свабоды альбо да 5 гадоў абмежаваньня свабоды.

Затрыманаму 28 сьнежня Яўгену Лівянту спачатку прысудзілі 14 сутак арышту, ягонай жонцы Юліі — 15, іхнай дачцы Ганьне — 14 сутак арышту. Іх утрымлівалі ў менскай турме на Акрэсьціна.

Пазьней Лівянта асудзілі другі раз па адміністрацыйным артыкуле і далі яму 10 сутак адміністрацыйнага арышту. Лівянт уваходзіў у склад Каардынацыйнай рады.

Вядома, што дачку Лівянта Ганну і яе мужа Мікіту Дразда затрымалі ў канцы сьнежня пасьля іх вяртаньня з Польшчы.

30 сьнежня сілавікі затрымалі таксама суўладальніка адукацыйнага цэнтру «100 балаў» Аляксея Іванова. На відэа сілавікоў яго прымусілі назваць свой агульны даход за год, а таксама «прызнацца» ва ўдзеле ў акцыях пратэсту ў 2020 годзе. Яго спачатку арыштавалі на 14 сутак.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG