«З вайсковага пункту гледжаньня я па-ранейшаму сьцьвярджаю, што выгнаць расейскія войскі з кожнай пядзі акупаванай Расеяй Украіны сёлета будзе вельмі і вельмі цяжка», — сказаў Мілі на прэсавай канфэрэнцыі на авіябазе Рамштайн пасьля сустрэчы міжнароднай кантактнай групы па абароне Ўкраіны.
«Што можа быць, дык гэта працяг абароны, стабілізацыя фронту. Думаю, што гэта можна зрабіць. Думаю, у залежнасьці ад пастаўкі і падрыхтоўкі ўсяго гэтага абсталяваньня. Я думаю, што ўкраінцы змогуць правесьці значную наступальную апэрацыю», — лічыць Мілі.
