У суботу ў беларускай прасторы на вул. Кракаўская, 19 у Кракаве стартуе кніжны кірмаш з удзелам некалькіх кнігарняў і выдавецтваў — «Кніганоша» (Kamunikat.org), «Гутэнбэрг» — і выступамі пісьменьнікаў ды выдаўцоў.
21 студзеня зь беларусамі Кракава таксама сустрэнуцца Ганна Янкута, зь беластоцкіх ваколіц — Уладзімер і Раман Арловы:
- 12:00–12:40 — дзіцячае мерапрыемства ад Ганны Янкуты: экалягічная гульня па кнізе «КВА» і маляванкі з катом Шпротам;
- 13:00 — музычны выступ Рамана Арлова;
- 15:00 — аўтарскае спатканьне з Ганнай Янкутай, прэзэнтацыя яе кніг паэзіі «Канстытуцыя» і «Геалогія»;
- 16:00 — аўтарскае спатканьне з Ўладзімерам Арловым і аўкцыён на 7 ягоных кніг.
Таксама адбудуцца два розныя паводле праграмы нядзельныя канцэрты «Вольнага хору»: выступ у Інстытуце культуры Віла Дэцыюша апоўдні і калядны канцэрт у касьцёле сьвятой Кацярыны Александрыйскай і Маргарыты (брацтва аўгустыянаў) а 19 гадзіне, пасьля імшы.
