«У вучэньні задзейнічаныя падразьдзяленьні, якія ўваходзяць у склад авіяцыйнага кампанэнта рэгіянальнай групоўкі войскаў», — цытуе Лукʼяновіча прэс-служба Міністэрства абароны.
«Падчас вучэньняў выконваецца шырокі спэктар задач, пачынаючы з паветранай выведкі, сумеснага патруляваньня беларускай дзяржаўнай мяжы ў паветранай прасторы і кіраваньня авіяцыяй з самалёта далёкага радыёлякацыйнага выяўленьня, кіраваньня [самалётамі] А-50», — сказаў Лукʼяновіч.
Ён падкрэсьліў, што «гэты авіяцыйны комплекс дае магчымасьць нарасьціць радыёлякацыйнае поле практычна на ўсю глыбіню Рэспублікі Беларусь». У ліку іншых мэтаў Лукʼяновіч назваў адпрацоўку задачы высадкі тактычных дэсантаў, перавозкі грузаў, авіяцыйнай падтрымкі, зьнішчальнага прыкрыцьця і эвакуацыі параненых.
- Сумесныя лётна-тактычныя вучэньні беларускай і расейскай авіяцыі пачаліся 16 студзеня і будуць праходзіць да 1 лютага.
- Рэгіянальная групоўка войскаў Беларусі і РФ фармуецца з кастрычніка мінулага году.
